Para mysafirëve u prezantuan edhe krijues të vendeve të tjera. Thanë se ideja e një aktiviteti të tillë i motivon ata që punën e tyre ta shpërndajnë gjithandej trojeve shqiptare.

“Kam marrë pjesë në shumë ekspozita, në shumë panaire, po për herë të parë vi në Ferizaj, dhe t’u them të drejtën, ideja ime ishte se Ferizaj është qytet i vogël, por më besoni se paskeni qytet shumë të bukur, shumë të madh. Kulmi i nivelit intelektual të një vendi matet me nivelin e humorit, me nivelin e karikaturës, por edhe demokracia e vërtetë varet tek subjektet dhe tek karikatura se çfarë subjektesh kapin, sa të fortë janë për të goditur, jo për të fyer, jo për të sharë, por për të goditur ato probleme të cilat nuk shkojnë mirë, për të goditur qoftë edhe personalitetet më të mëdha të shtetit, qoftë presidentin, kryeministrin, ministrat, e të tjerë“, tha krijuesi Bujar Kapexhiu nga Tirana.